ESG саласындағы стратегиялық мақсаттар
Компанияның ESG саласындағы стратегиялық мақсаттары
Электр энергиясы «Қазақтелеком» АҚ-ның пайдаланатын энергия жұмсайтын ресурстардың бірі болып табылады. Осыған байланысты Компания электр энергиясын тұтынуды азайту үшін барлық күш-жігерін жұмсайды, климаттың өзгеруіне қарсы күресте барынша елеулі үлес қосады.
Барлық мүдделі тараптардың мүдделерін ескеру мақсатында «Қазақтелеком» АҚ жыл сайын барлық заңнама талаптары мен озық әлемдік тәжірибеге сәйкес тиімді корпоративтік басқару жүйесін жасайды және қолдайды.
«Қазақтелеком» АҚ Қазақстан Республикасының жетекші телекоммуникациялық компаниясы, сондай-ақ бүкіл ел бойынша жұмыс орындарын құратын ірі жұмыс беруші болып табылады. Компания оның белгілі бір аймақта болуы тұрғындар мен жұмысшылардың өмір сүру сапасына қалай әсер ететінін түсінеді және осы әсерді басқару үшін барлық қолжетімді шараларды қабылдайды.
2023 жылы Компания халықтың өмір сүру сапасын арттыруға және қызметті жүзеге асыратын аймақтарда әлеуметтік тұрақтылықты қамтамасыз етуге ұмтылуды жалғастырды. Сонымен қатар, Компанияның назары қызметкерлердің әл-ауқатын қамтамасыз етуге бағытталған. Компанияда жыл сайын үш негізгі көрсеткіш негізінде әлеуметтік тұрақтылықты анықтау мақсатында Samruk Research Services (SRS) әлеуметтік зерттеуі жүргізіледі:
- Қатысу индексі.
- Әлеуметтік әл-ауқат индексі.
- Әлеуметтік тыныштық индексі.