Тұрақты дамуды басқару құрылымы
Компания тұрақты дамуды басқаруға деген өз көзқарасын жетілдіру үшін үздіксіз жұмыс істейді. «Қазақтелеком» АҚ-да тұрақты даму мәселелері басқарудың барлық деңгейлерінде біріктірілген. Компанияның Директорлар кеңесі бұл тақырыпқа ерекше назар аударады, оны стратегиялық басымдық ретінде қарастырады. Директорлар кеңесі Компанияның тұрақты даму саласындағы қағидаттары мен мақсаттары біріктірілген Компанияның Даму стратегиясын іске асыруды бекітетін және бақылайтын орган болып табылады.
Директорлар кеңесі:
- Компанияның ТД саласындағы қызметінің стратегиясы мен негізгі бағыттарын айқындайды;
- ТД саласындағы есептілікті қарайды және бекітеді;
- Компания қызметіне ТД қағидаттарын енгізуді бақылайды;
- климаттық тәуекелдерді қоса алғанда, тұрақты даму тәуекелдері мәселелерін басқаруды жүзеге асырады.
Директорлар кеңесіне тұрақты негізде (жыл сайынғы, тоқсан сайынғы) тұрақты даму саласындағы қызмет нәтижелері туралы есептер ұсынылады.
2022 жылға дейін Директорлар кеңесі комитеттерінің деңгейінде тұрақты дамуды басқару үшін «Қазақтелеком» АҚ-ның кадрлар, сыйақылар және әлеуметтік мәселелер жөніндегі комитеті жауапты болған. Компанияның ESG-тәжірибелерін дамыту және күшейту аясында 2022 жылдың шілдесінде Аудит комитеті Аудит және тұрақты даму комитеті болып өзгертілді.
- Компанияның жылдық есебін ұсынылған қаржылық емес ақпараттың сапасына алдын ала мақұлдау;
- Директорлар кеңесіне тұрақты дамуға қатысты тақырыптар бойынша, сондай-ақ Компанияға ESG және төмен көміртекті даму қағидаттарын енгізу бойынша ұсыныстар әзірлеу;
- тұрақты даму, әдепті мінез-құлық және жауапты инвестициялау қағидаттарын ескере отырып, бизнес-процестердің трансформациясын бақылау;
- Директорлар кеңесіне Компанияның тұрақты даму саласындағы жаңа және қолданыстағы саясаттарын, жоспарларын, бағдарламаларын, сондай-ақ Қоғамның тұрақты даму саласындағы басым жобаларын, негізгі іс-шаралары мен бастамаларын бекітуге және тиімділігін бағалауға қатысты ұсыныстар әзірлеу;
- Компанияның төмен көміртекті дамуы мен көміртегі ізін басқару мәселелерін, соның ішінде Компания үшін туындайтын ықтимал тәуекелдер мен жаһандық климаттық күн тәртібіне байланысты шектеулерді қарастыру;
- Директорлар кеңесіне қызметтің, корпоративтік есептіліктің және құжаттардың тұрақты даму саласындағы халықаралық рейтингтердің талаптарына сәйкестігіне қатысты ұсыныстар әзірлеу, сондай-ақ Компанияның тұрақты даму саласындағы халықаралық рейтингтердегі позицияларын жақсарту жөніндегі іс-шаралардың орындалуын бақылау;
- Қоғамның тұрақты даму саласындағы жария есептілігінің сапасына мониторинг жүргізу.
Тұрақты дамуды басқару мәселелеріне жауапты бөлімше Корпоративтік басқару және тұрақты даму департаменті болып табылады. Департамент Компанияның ішкі нормативтік-құқықтық құжаттарына, саясаттарына, тәжірибелеріне және ішкі бақылауына үнемі түгендеу жүргізеді. Сонымен қатар, тұрақты даму тәуекелдерін анықтау бойынша үздіксіз жұмыс жүргізілуде және оларды басқару бойынша шаралар қабылдануда. Корпоративтік басқару және тұрақты даму департаменті Аудит және тұрақты даму комитетінің қарауына әзірленген ішкі құжаттарды бекіту, тұрақты даму саласындағы қызметтің нәтижелері туралы ақпарат беру және т.б. сияқты Компанияның тұрақты даму саласындағы қызметіне байланысты мәселелерді жүйелі түрде (жартыжылдықта кемінде бір рет) шығарады.
Басқарма Төрағасы мен филиалдардың Бас директорлары Компанияның іс-шаралар жоспарына сәйкес тұрақты даму саласындағы қағидаттарды, саясаттарды, стандарттарды бақылауды, іске асыруды, енгізуді және дұрыс ақпарат беруді жүзеге асырады. Тұрақты даму мәселелеріне жетекшілік ететін «Қазақтелеком» АҚ-ның Басқарушы директоры Компанияның мақсаттарға және тиімділікке қол жеткізу жөніндегі қызметінің тәсілдерін үйлестіруді қамтамасыз етеді. Әдеп стандарттарына қатысты ішкі коммуникациялар рәсімін Комплаенс-бақылаушы/Комплаенс қызметінің басшысы реттейді. Коммуникациялар департаментінің басшысы қоғаммен сыртқы қарым-қатынас үшін жауапты болады.
Персоналды басқаруға, еңбекті қорғау және өнеркәсіптік қауіпсіздікке, қоршаған ортаны қорғауға жауапты «Қазақтелеком» АҚ-ның құрылымдық бөлімшелері тұрақты даму саласындағы жекелеген мәселелерге жетекшілік етеді, тұрақты дамуды басқару жүйесін бастамалауға, үйлестіруге және енгізуге және Компанияның ТДМ-ға қол жеткізуіне жауап береді. Компанияның құрылымдық бөлімшелерінің бастамаларын іске асыруға «Қазақтелеком» АҚ-ның Орталық аппараты тікелей жауапты және бақылауды өз мойнына алады.
«Қазақтелеком» АҚ ESG-тәжірибесін дамыту мәселелеріне көп көңіл бөледі. 2023 жылғы ақпанда «Қазақтелеком» АҚ-ның Директорлар кеңесінің шешімімен экологиялық аспект, әлеуметтік тепе-теңдік және корпоративтік басқару жөніндегі 108 іс-шараны қамтитын «Қазақтелеком» АҚ-ның ESG-тәжірибесін дамыту жөніндегі Жол картасы бекітілд.
«Қазақтелеком» АҚ-ның ESG-тәжірибесін дамыту жөніндегі Жол картасы шеңберінде 2023 жылы келесі іс-шаралар іске асырылды:
- климаттың өзгеруі саласындағы ақпаратты ашу;
- S&P Global-дан тәуелсіз ESG бағасы алынды;
- Компанияның қызмет ету аймағындағы биоалуантүрліліктің ағымдағы деңгейіне бағалау жүргізілді;
- Басқарма құрамындағы әйелдердің үлесі ұлғайды – 2023 жылы ол 33,3%-ды құрады.